Happy fucken valentines Day

عيد الفالنتين وانشاء الله يكون يوم سعيد عليكوا كلكوا كدا وعليا انا كمان ويكون عيد حب على الطرفين مش واحد بس يعني الاتنين يكونوا بيحبوا مش زي البنات اللي بتعمل نفسها بتحب الواحد وبحد كده تسيبوا والولاد كذالك وكل الف عيد حب وانا مع حبيبتي وانتوا كذالك مع بعض

انتا لحقت يبنى!

super khaled
hi every body

والله يا علام عادي يعني بس انا في الحاجات دي مش اخدها جد يعني لأني عارف ان نهايتها تكون ان احنا نسيب بعض فا احنا نهزر مع بعض اهو حتى بنملا وقت فراغنا مع اني مش هفكر اخطب ولا اعمل اي حاجة من دلوقتي خالص انا يوم ما افكر اتجوز او اخطب اي بنت مش لازم تكون حلوة انا انا عندي اللي هخطبها كانت مشيا معايا ابل ما اخطب انا مش هفكر فيها خالص وابدا حتى لو بحبها وهموت عليها مليه اتعب نفسي معو واحد مين كانت كشية مع كام واحد ابلي فعادي انا لو عاوز امشي مع ميت بت همشي بس مينفعشي ليه بقى لانهم عاوزين مصاريف وانا بصراحة مقدرش استحمل حتي 10 بنات مع بعض
انا امشي مع واحدة بحبها وامشي مع الباقيين على انهم صحابي بس انا عندي صحبي احسن من اي بت لما اتخانق مثلا فس شارع هتصل بالبت ولا بصاحبيوجاوب وانتا تعرف يا علام
وحلوة سوبر خالد يا محمد وبعدين البنات دلوقتي على افة من يشيل

على رايك
البنات بقو اكتر من النمل
(مع الاعتذار للنمل)

البنات كتروا والاولاد انقرضوا يابني انت ايه اللي يخليك تمشي مع بنت مدام هتسيبها وتشوه سمعتها ليه وماتقوليش البت هي عايزه كده لا البنت مش بتكون عايزه كده وانتوا الاولاد تضغطوا عليها بانك تقولها لو مش هتمشي معايه انا هسيبك ومش هرجعلك تاني والبنت لما بتصدق حد يحبها عشان حركات زمايلها لما تيجي واحده تحكي عن ده ولا ده وهي تكون قاعده كده وانت تيجي عايز تسيبها لو مامشيتش معاك او حتى لو ما كلمتكش انتوا انواع غريبه اووووي وبلاش اتقي الله في اللي معاك وحس انها اختك اللي مكانها وشوف هتعمل ايه ومتقولش اختي متعملش كده زي اي واحد ماشي لانك بتعمل في واحده كده هيجي غيرك ويعمل في اقرب انسانه ليك كده وممكن واحده هي اللي تيجي تعمل فيك كده وكنت بتموت عليها وهتموت لو ماكنتش معاك تخيل بقى ورد عليا ومش شرط انت بس الكل لازم يرد عليا

عايز اقولك حاجة ياهند
البنت لو كانت محترمه عمرها ما هتمشى مع ولد
مهما كانت الظروف
ودليل ان الولد عمره ما بيشوف بنت محترمة ومؤدبة ويروح يمشى معاها
الولد لما بيحب يمشى مع بنت بيدور على بنت عندها استعداد لكده ومش حاطة فى دماغها لاحب ولا جواز
بس حاطة فى دماغها حاجة واحدة
الشهوة
وكمان زى ما مفيش ولد احترامه كامل بيروح يمشى مع بنت
مع احترامى لكل الناس اللى بتعمل كده لكن اللى عايز اقوله ان الولد اللى بيمشى مع بنت بيبقى هدفه اشباع الغريزة عنده بان هو يبقى الواد الجامد اللى مقطع السمكة وديلها ومصاحب اجمل بنت
وبرضه البنت بيبقى هدفها كده
ومن رايي ان مفيش حد عنده الاهداف دى يكون احترامه كامل
ومن رايي ان زى ما الولد مسئول عن الحكاية دى فالبنت برضه مسئولة زيه انها ترضى لنفسها الوضع ده
ولازم البنات بالذات ياخدو بالهم من الحكاية دى ويبعدو عنها
لان فى مجتمعاتنا لو الولد غلط عادى لانه راجل
والبنت لو غلطت يبقى جابت لاهلها العار

كلامك صح بس انا حبيت علق على كلام خالد بس تعرف ان الولد لازم هو يكون اكتر واحد محافظ على البنت اللي معاهه او بت حتته يعني بس دلوقتي بنقول مافيش رجاله عشان كده
بس لالاسف انا عندي بنات تتكلم معاهه تلاقيها محترمه جدآ بس في الاخر تلاقيها ماشيه مع ده وده
الحمد لله انا مامشتش ولا حتى افكر اني امشي لاني مش هستفيد حاجه ده انا اكتر واحده هخسر

وتعرف كمان البنت قلبها في ودنها يعني بتحب اوووي تسمع كلمه حلوه ولما تسمعها تقع وقعه سوده والولد هو الللي بيخليها للسف تمشي يقعد يقولها انا بحبك انتي عجباني طب في الاول خدي نمرتي وفكري وانا مستني تليفونك البت تفكر واصحابها بقى وهي تقول الواحد لما بيصدق يحب زي بقيت زمايله وبعدها تكلمه طب انا عايز اقابلك مره والتانيه هديكي حاجه وبعدين يقولهها في الاول طبعا انا بحبك وهجي اتجوزك البت تفرح وبعدين يرميها ويسيبها وسمعتها زي الزفت والا لو قالتلوا لا يقولها انتي مش بتحبيني لازم نسيب بعض هي بقى ضعيفه تقولوا لا انا بحبك وعايزاك يقولها طيب اعملي اللي انا عايزها ونرجع لبعض البت طيب حاضر هعمل اللي عايزه وتعمل بقى اي حاجه اول حاجه تفقد احترام نفسها لنفسها وبعدين شكلها قدام الناس واي بنت بتمشي مع ولد زي ما مستر عندي قالها بتدق مسمار في عونستها او كأن عونستها دي حصاله ك ما تمشي مع واحد وحد شفها كانها بتحط جنيه في الحصاله دي (للغيله طبعا مش هقول قرش)ودي كلمتي يعني في الاول والاخر بتخسر وحتى الولد بيخسر مش بيكسب لو حب في يوم بجد حبيبته مش هتيدي امان وعالطول تخونوا في اي حاجهه يقولها وكلوا يبقى جحيم وهتبقى عالطول مفكراه بيلعب بيها وهيرميها زي غيرها وهو اصلا مش هيعرف يحب بجد لانه هيزهق بسرعه مع اللي معاهه ويحب يغير لانه اتعود على كده
وهيفكر برضوا انها بتلعب عيه لان اللي بيمشوا مع بعض مش بيحبوا بعض دول بيلعبوا على بعض وكمان اللي بيمشي مع واحده مش راجل لان الراجل هو اللي يحافظ على اللي حواليه
يعني من الاخر الكل بيخسر ولد او بنت بيخسروا وخساره بتجيب خساره
وليه نخسر لما فيدينا اننا نكسب(وديييييييييييييييييييييييييييييع ههههه)

هههههههههههههههه
كلامك صح يا هند ومتفق مع كلامى
كلهم بيوصلو لنفس النتيجة
ان الولد غلطان والبنت غلطانة والاتنين بيخسرو
لكن فى نقطة مهمة اوى
انتى بتقولى انك ممشيتيش مع ولاد وعمرك ما فكرتى فى كده
هو ده اللى انا بتكلم عليه يا وديييييييع
ان البنت المحترمه مبيبقاش فى دماغها الحاجات دى والولد المحترم كمان
لان زى ما قلتلك
انا كولد لو عايز اكلم بنت عمرى ما هشوف واحدة محترمة وهروح اقوللها انا عايز امشى معاكى
لازم تكون بنت ـــــــــــــــــــــــــــــولا ايه رايك؟
وحاجة مهمة كمان انتى قلتيها بمثال الحصالة
وانا هقولهالك بمثال ابسط
البنت عاملة زى الاجهزة
ل استعملت استمال غلط(تمشى مع ولاد)بتبوظ(تعنس)لكن لو استعملناها استعمال صح(تستنى ابن الحلال) هتبقى من احسن واجمل البنات
والولد برضه كذلك
فلازم كل بنت او ولد انهم يحافظو على نفسهم بان هما يبعدو عن الافعال دى
ولو ولد او بنت شافت صاحبتها مش مدركة الامور دى تنبهها عشان متبقاش سمعتها فى الحديد
وسلاااااام
وهو ده يا وديييييييييييييييع
اخيرا فهمت؟

اللى انا بقوله مابيمنعش الحب يا ميار
انتى كده بتثبتى ان الحب بالنسبة ليكى هو المشى مع الولاد
الحب النقى الطاهر المحترم غير كده خالص
الحب حب القلوب والمشاعر مش حب الشهوة والجسد
اسالى اى حد من صحابى هيقوللك انا رومانسى قد ايه
ومعرفش اعيش من غير الحب لحظة
لكن فى نفس الوقت عمرى ما مشيت مع بنتلان زى ماقلت ان اللى بمشى مع بنت ولا هو محترم ولا البنت اللى بتمشى معاه محترمه
وده يخالف الحب الحقيقى بكل المقاييس
لان الحب الحقيقى قائم على الاحترام المتبادل بين الشخصين اللى بيحبو بعض
ومتصدقيش لى واحد ماشى مع واحدةفى الشارع ومنظرهم بالمناظر اللى احنا بنشوفها دى لو قاللك انهم بيحبو بعض حب حقيقى
لان اللى بيحب واحدة حب حقيقى بخاف على اللى بيحبها من كلام الناس اكتر ما بيخاف على نفسه من اى خطر
انتى بتقوللى ان عمرى ماحبيت
وبقوللك ان انا بحب
وبحب انسانة غاية فى الادب والاحترام والجمال
فى نفس الوقت عمرى ما مشيت معاها فى الشارع
وعمرى ما كلمتها بالليل وقعدت اقوللها كلام حب من اللى بيتقال فى نصاص الليل
وعمرى ما قلتلها هاتى بوسه بمناسبة الـفالنتاين
عارفه ليه؟
لان الحب اكتر من كده بكتييييير
ومهما قعدت اتكلم عن الحب مش هخلص
لان الحب ده من اسمى الاشياء اللى الواحد ممكن يتكلم عنها

اللى انا بقوله مابيمنعش الحب يا ميار
انتى كده بتثبتى ان الحب بالنسبة ليكى هو المشى مع الولاد
الحب النقى الطاهر المحترم غير كده خالص
الحب حب القلوب والمشاعر مش حب الشهوة والجسد
اسالى اى حد من صحابى هيقوللك انا رومانسى قد ايه
ومعرفش اعيش من غير الحب لحظة
لكن فى نفس الوقت عمرى ما مشيت مع بنتلان زى ماقلت ان اللى بمشى مع بنت ولا هو محترم ولا البنت اللى بتمشى معاه محترمه
وده يخالف الحب الحقيقى بكل المقاييس
لان الحب الحقيقى قائم على الاحترام المتبادل بين الشخصين اللى بيحبو بعض
ومتصدقيش لى واحد ماشى مع واحدةفى الشارع ومنظرهم بالمناظر اللى احنا بنشوفها دى لو قاللك انهم بيحبو بعض حب حقيقى
لان اللى بيحب واحدة حب حقيقى بخاف على اللى بيحبها من كلام الناس اكتر ما بيخاف على نفسه من اى خطر
انتى بتقوللى ان عمرى ماحبيت
وبقوللك ان انا بحب
وبحب انسانة غاية فى الادب والاحترام والجمال
فى نفس الوقت عمرى ما مشيت معاها فى الشارع
وعمرى ما كلمتها بالليل وقعدت اقوللها كلام حب من اللى بيتقال فى نصاص الليل
وعمرى ما قلتلها هاتى بوسه بمناسبة الـفالنتاين
عارفه ليه؟
لان الحب اكتر من كده بكتييييير
ومهما قعدت اتكلم عن الحب مش هخلص
لان الحب ده من اسمى الاشياء اللى الواحد ممكن يتكلم عنها

على فكرة يا جماعة انتو لازم تقروا قوانين المنتدى مرة تانية
لانكم دخلتوا واتكلمتوا على الموضوع ولا كانكم قرأتوا العنوان

عشان الكلمة اللى ف النص يعنى يا نانا
خليكى كوول فى اللذي يعنى
مش عشان كلمة فى العنوان هنقلب الدنيا
لو كان فى تجاوزات حقيقية كنت انا او محمد حذفنا الموضوع فورا