العالم اتقسم نصين نص فيه المال و عالم الجمال و النص التاني ياعيني غلبان جعان كحيان و السلك ضاربه و الفولت عالي كمانالاخوه و الاخوات ياتري ياهل تري نفسك في ايه لو لقيت مصباح علاء الدين او خاتم سليمان
اول سؤال ياعيني هاتقوله للجني الغلبان الكحيان اللي عايش في مصباح مصدي لما يقولك شبيك لبيك عبدك و ملك ايديك
هاتقوله عايز كااااااااااااااااااااااااااااااااااااااااااااااااا ااااااام ؟ قول ماتتكسفش دا حنا كلنا اخوات
لا استني قبل ماتحلم الموضوع مش عشان المصباح فوق معايا و كمل قرايه
و انا ماشي في بحور النت لقيت جزيره مالها وصف سالت الناس هناك و كانوا بصراحه اغني من الباشوات
جزيره مين دي قالولي ياولد ياباسم يافقير ياغلبان ايه اللي رماك هنا دا احنا العالم الاول و دي جزيره اغني اغنياء العالم
قلت ياللعجب
و بصيت لنفسي بحسره و كسره و افتكرت عمنا صلاح جاهين و هو بيقول
( ياللي انت بيتك قش مفروش
تقوي عليه الريح . يصبح مفيش
عجبي عليك حواليك مخالب كبار
و مالكش غير منقار و قادر تعيش ) و عجبـــــــــــــــــــــــــــــــــــــــــي!!!
قالولي لا ليه العجب احنا بقي هنوريك العجب بجد روح هناك الحاره دي و شوف بنفسك
دخلت الحاره لقيت ناس جعانه تعبانه و في وسط الفقر لقيت قصر كبير ماه مثيل قلت مين دول
قالوا دول اغني اغنياء العرب خد يابني اساميهم من مجله( فوربس) اتمنظر بيهم علي اصحابك و احبابك و اسالهم السؤال دا
بس بعد ماتقولهم بلاش لاحسد و لا قر و اسالهم السؤال السحري قلت طيب
خدوا عندكم بصوا العرب طلعوا مين و الكلام دا بتاع سنه 2002
* الأمير الوليد بن طلال = 20 بليون دولار = المركز 11 عالميا
* سليمان العليان وعائلته = 7.6 بلييون دولار = المركز 34 .
* ناصر الخرافي وعائلته = 5.7 بليون دولار = المركز 45 .
* رفيق الحريري = 4 بلايين دولار = المركز 87 .
* عبدالعزيز القصيبي وعائلته = 3.1 بليون دولار = المركز 118 .
* عائلة محمد الجميل = 3 بليون دولار = المركز 127 .
* سليمان الراجحي وعائلته = 2.2 بليون دولار = المركز 191 .
* صالح كامل = 2.2 بليون دولار = المركز 191 .
* خالد بن محفوظ وعائلته = 1.7 بليون دولار = المركز 258 .
* محمد العمودي = 1.5 بليون دولار = المركز 293 .
* صالح الراجحي = 1.1 بليون دولار = المركز 413 .
شايفين استنوا بلاش لاحسد و لاقر و قوليلي ياتري هي السعاده بالبلايين
ماحدش يقدر ينكر ان الفلوس دلوقتي بقت تعمل كتير و بقت تعمل العجب
هل انت او انتي كنتوا تتمنوا ان اسمائكم تكون في القايمه دي تكون من اغني اغنياء العرب
هل انتوا شايفين ان الفلوس كل حاجه و انها تقدر تشتري اي حاجه
هل فعلا الصح ان انا احلم بالملايين دي و ان الواحد يبقي من ملوك العرب و العالم
حتي الحب ممكن تشتريه بالفلوس !!!!!!!!!!!!!!!
متقلش لا جرب انزل الشارع و ادي حد مش هاقلك مليون لا ادي لاي واحد في الباركينج او الكافيه او اي حته جرب و اديله 100 جنيه وشوف هيحبك و لا لا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
احلم و جرب و قولي الدنيا بقت حلوه ..............
حلوه و بس ................... ؟
